News - Պեսկով. ԵՄ-ն պաշտպանական միության վերածելու գաղափարը ցույց է տալիս առճակատման տրամադրվածություն

Եվրահանձնաժողովի ղեկավար Ուրսուլա ֆոն դեր Լեյենի՝ ԵՄ-ն պաշտպանական միության վերածելու ծրագրերը վկայում են Եվրոպայի ռազմականացման և առճակատման տրամադրվածության մասին։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը: Մեկնաբանելով Եվրահանձնաժողովի ղեկավարի նախաձեռնությունը՝ Կրեմլի խոսնակն ասել է. «Սա ևս մեկ անգամ հաստատում է եվրոպական պետությունների վերաբերմունքը ռազմականացմանը. Լարվածության սրում, առճակատում և իրենց արտաքին քաղաքականության մեջ առճակատման մեթոդների ապավինում»,- Պեսկովը ուշադրություն է հրավիրել այն փաստի վրա, որ համատեղ պաշտպանության և անվտանգության քաղաքականությունը Եվրամիության շրջանակներում ընդհանուր աշխատանքի ոլորտներից մեկն է։ «Եվրաինտեգրման շրջանակներում միշտ այդպես է եղել»,- նշեց նա։ Միևնույն ժամանակ, Կրեմլի խոսնակն ընդգծել է, որ «սա երբեք չի եղել Եվրամիության զարգացման հիմնական ուղղությունը»։ «Ամենայն հավանականությամբ, տիկին ֆոն դեր Լեյենը խոսում էր առաջնահերթությունները փոխելու և այս միությանը ռազմական երանգ հաղորդելու մասին», - եզրափակեց նա: «Այստեղ դժվար է որևէ սպառիչ մեկնաբանություն տալ, բայց պարզ է, որ այս աշխատանքը կհամընկնի այն փոխազդեցության հետ, որը ԵՄ երկրներն ունեն Հյուսիսատլանտյան դաշինքի կազմում»,- հավելել է ՌԴ նախագահի խոսնակը։