News - ԱՄՆ Անկախության օրը Կապանում նշվել է դեսպան Կվիենի Սյունիք կատարած այցի ժամանակ.

Հուլիսի 11-ին Կապանում ԱՄՆ դեսպանությունն անցկացրեց ԱՄՆ Անկախության օրվա առաջին տոնակատարությունը։ «Հայաստանի ժողովուրդն արժանի է ապրելու խաղաղ և բարեկեցիկ պայմաններում։ Կապանում այս հատուկ տոնակատարության կազմակերպումը հիանալի հնարավորություն է առաջ մղելու մեր ընդհանուր ժողովրդավարական արժեքները և ամրապնդելու մեր ժողովրդի միջև սերտ կապերը»,- ողջունելով միջոցառման հյուրերին ասաց դեսպան Կվիենը: Սյունիքում դեսպան Քվիենը հանդիպեց մարզպետ Ռոբերտ Ղուկասյանի հետ՝ քննարկելու հայ-ամերիկյան համագործակցության խորացման հնարավոր ուղիները և Միացյալ Նահանգների աջակցությունը Հայաստանի ինքնիշխանությանը, տարածքային ամբողջականությանը և բարեկեցությանը։ Դեսպանը ԵՄ քաղաքացիական առաքելության հետ քննարկել է նաև սահմանին տիրող իրավիճակը։ Այնուհետև նա հանդիպել է ՆԳ նախարար Վահե Ղազարյանի և պարեկային ծառայության ներկայացուցիչների հետ։ Պարեկային ծառայությանը տրամադրվել են առաջին բուժօգնության փաթեթներ։ Կապանում դեսպան Քվիենը հանդիպեց Լեռնային Ղարաբաղից տեղահանված անձանց՝ լսելու նրանց ընթացիկ կարիքների մասին և տեղեկանալու Հայաստանի կառավարության և ԱՄՆ ՄԶԳ-ի կողմից իրենց նոր բնակավայրերում ցուցաբերվող աջակցության մասին: Դեսպան Քվիենը նաև փոխըմբռնման նոր հուշագիր է ստորագրել Սյունիքի մարզային գրադարանի տնօրեն Լիանա Գասպարյանի հետ Կապանի «Ամերիկյան անկյան» հետ շարունակական համագործակցության վերաբերյալ։ Դեսպանը զրուցել է ԱՄՆ դեսպանատան կողմից ֆինանսավորվող ACCESS ծրագրի անգլերեն լեզվի դասընթացի մասնակիցների հետ։ Ծրագիրն իրականացնում է «Կրթական նախաձեռնություններ» ՀԿ-ն Կապանում, Գորիսում և Մեղրիում։ Դեսպան Քվիենի հաջորդ կանգառը Սյունիքում ամերիկյան Contour Global Hydrocascade ընկերությունն էր, որը վերականգնվող էներգիայի առաջատար արտադրողներից է և ապահովում է Հայաստանում տարեկան սպառվող էլեկտրաէներգիայի 12-15%-ը։