News - ԱՄՆ ՄԶԳ. Հայաստանն ու Ադրբեջանը մոտ են խաղաղության պայմանագրի ստորագրմանը

Հայաստանը մոտ է Ադրբեջանի հետ խաղաղության պայմանագրի ստորագրմանը, որը կարող է վերջ դնել երկարամյա հակամարտությանը։ Այս մասին հուլիսի 10-ին Երեւանում կայացած ճեպազրույցում ասել է ԱՄՆ Միջազգային զարգացման գործակալության (USAID) ղեկավար Սամանթա Փաուերը՝ պատասխանելով NEWS.am-ի հարցին։ Նա հավելել է, որ Հայաստանի և Ադրբեջանի կառավարությունների ներկայացուցիչները շարունակում են հաշտեցմանն ուղղված բանակցությունները։ Փաուերը վստահեցրել է, որ ԱՄՆ-ն կանի հնարավոր ամեն ինչ՝ օգնելու Հայաստանին կապիտալիզացնել այս պատմական պահը։ «ԱՄՆ Միջազգային զարգացման գործակալությունը և Միացյալ Նահանգները պատրաստ են օգնել Հայաստանին ամրապնդել ժողովրդավարությունը և հասնել խաղաղության Ադրբեջանի հետ: Ես այսօր այստեղ եմ, քանի որ Հայաստանը հնարավորություն ունի բարգավաճելու, ամրապնդելու իր ժողովրդավարությունը և հասնելու այն խաղաղությանը, որի մասին մարդիկ երազել են: Այսքան ժամանակ Միացյալ Նահանգները պատրաստ է օգնել Հայաստանին առավելագույնս օգտագործելու այս հնարավորությունների պատուհանը»,- հավելեց ԱՄՆ ՄԶԳ ղեկավարը: Փաուերը նշել է, որ խաղաղության օգուտները զգալի կլինեն նաև Ադրբեջանի ժողովրդի համար։ «Ըստ վերջին հարցման՝ այնտեղ նույնպես լայն աջակցություն կա խաղաղության օրակարգին: Մենք կոչ ենք անում Ադրբեջանում ցուցաբերել մարդկային վերաբերմունք և հարգել բանտարկյալների իրավունքները»,- նշել է նա։