News - Նիկոլ Փաշինյանը և սենատոր Ռոջեր Ուիկերը մտքեր են փոխանակել Հայաստան-Ադրբեջան խաղաղության պայմանագրի քննարկումների շուրջ
Business Strategy
Նիկոլ Փաշինյանը և սենատոր Ռոջեր Ուիկերը մտքեր են փոխանակել Հայաստան-Ադրբեջան խաղաղության պայմանագրի քննարկումների շուրջ
Վարչապետ Նիկոլ Փաշինյանն ընդունել է ԱՄՆ Կոնգրեսի պատվիրակությանը սենատոր Ռոջեր Ուիկերի գլխավորությամբ։ Վարչապետը ողջունել է ԱՄՆ Կոնգրեսի այս անդամների այցը Հայաստան և իր գոհունակությունը հայտնել Հայաստան-ԱՄՆ հարաբերությունների դինամիկ զարգացման կապակցությամբ։ Փաշինյանն ընդգծել է վերջերս Երևանում կայացած Հայաստան-ԱՄՆ ռազմավարական երկխոսության նիստի կարևորությունը և համոզմունք հայտնել, որ այս երկկողմ համագործակցությունը կշարունակի զարգանալ և ամրապնդվել։ Վարչապետը նշել է, որ ԱՄՆ-ն արդյունավետ աջակցություն է ցուցաբերում Հայաստանում ժողովրդավարական բարեփոխումների խթանման համար՝ հավելելով, որ ժողովրդավարության զարգացումը ռազմավարական նշանակություն ունի Հայաստանի կառավարության համար։ Զրուցակիցներն ընդգծել են Հայաստանի և ԱՄՆ-ի միջև հարաբերությունների ընդլայնումն ու խորացումը քաղաքական, տնտեսական, էներգետիկ և մի շարք այլ ուղղություններով, և այս առումով ընդգծվել է միջկառավարական և միջխորհրդարանական ակտիվ երկխոսության անհրաժեշտությունը։ Կողմերն անդրադարձել են նաև երկրում ժողովրդավարական ինստիտուտների զարգացման և կոռուպցիայի դեմ պայքարի ուղղությամբ Հայաստանի կառավարության քայլերին։ Բացի այդ, մտքեր են փոխանակվել Հայաստանի և Ադրբեջանի միջև ստորագրվելիք խաղաղության պայմանագրի, Հայաստանի կառավարության «Խաղաղության խաչմերուկ» նախագծի, տարածաշրջանում տեղի ունեցող գործընթացների և փոխադարձ հետաքրքրություն ներկայացնող մի շարք այլ հարցերի շուրջ։
About usyoo
Categories
Tags
