News - Ֆրանսիայի ներքին գործերի նախարարությունը հայտնել է, որ ծայրահեղ աջերը հաղթել են Ֆրանսիայի խորհրդարանական ընտրությունների առաջին փուլում

«Ազգային հանրահավաք» (RN) ծայրահեղ աջ կուսակցությունը և նրա դաշնակից ուժերը հաղթել են Ֆրանսիայի խորհրդարանական ընտրությունների առաջին փուլում՝ հավաքելով ձայների 33,4 տոկոսը, հայտնում է «Le Parisien» թերթը։ Երկրորդ տեղում ձախակողմյան Նոր ժողովրդական ճակատ (NFP) կոալիցիան է՝ ձայների 27,98 տոկոսով, իսկ նախագահ Էմանուել Մակրոնի կենտրոնամետ «Անսամբլ» դաշինքը երրորդն է՝ 20,76 տոկոսով։ Չորրորդը հանրապետականներն են՝ 6,56 տոկոս, մյուս քաղաքական ուժերը հավաքել են 3,67 տոկոս։ Խորհրդարանական ընտրությունների առաջին փուլի արդյունքներով՝ RN-ից ընտրվել է 39 պատգամավոր, NFP-ից՝ 32, Մակրոնի կոալիցիայից՝ երկուսը, հանրապետականներից մեկը, մյուս քաղաքական ուժերից՝ երկուսը։ Երկրորդ փուլի վճռորոշ քվեարկությունը կանցկացվի հուլիսի 7-ին։