News - Ջուլիան Ասանժն ազատ է արձակվել Մեծ Բրիտանիայի բանտից

WikiLeaks-ի հիմնադիր Ջուլիան Ասանժն ազատ է արձակվել Մեծ Բրիտանիայի բանտից, հայտնում է WikiLeaks-ը X-ում, նախկինում Twitter-ում: Ասանժը երկիրը լքել է ինքնաթիռով. Նա հիմա տուն է գնում՝ Ավստրալիա: WikiLeaks-ը նշել է, որ լրագրողը լքել է Բելմարշի խիստ ռեժիմի բանտը 1901 օր դրա պատերի ներսում անցկացնելուց հետո։ «Ավելի քան հինգ տարի 2x3 մետրանոց խցում, օրը 23 ժամ մեկուսացված մնալուց հետո, նա շուտով կվերամիավորվի իր կնոջ՝ Ստելլա Ասանժի և նրանց երեխաների հետ, ովքեր իրենց հորը ճանաչել են միայն ճաղերի հետևից», - մասնավորապես նշվում է հայտարարության մեջ։ Ասանժի ազատ արձակումից մի քանի ժամ առաջ հայտնի դարձավ, որ WikiLeaks-ի հիմնադիրը գործարք է պատրաստում ԱՄՆ դատախազության հետ, որում կարող է մասամբ ընդունել մեղքը։ Հավանական է, որ Ասանժի համաձայնությունն այս պայմանին հնարավորություն է տվել նրան ազատել բանտից: