News - Փաշինյանը՝ Պուտինին. Հայաստանը խստորեն դատապարտում է այս ահաբեկչությունը

Հայաստանի վարչապետ Նիկոլ Փաշինյանը երկուշաբթի օրը ցավակցական ուղերձ է հղել ՌԴ նախագահ Վլադիմիր Պուտինին՝ Ռուսաստանի Դերբենտ և Մախաչկալա քաղաքներում տեղի ունեցած ահաբեկչությունների կապակցությամբ։ «Խոր ցավով ստացա ողբերգական լուրը Դերբենտում և Մախաչկալայում տեղի ունեցած սարսափելի ահաբեկչությունների մասին, որոնք անմեղ քաղաքացիների և իրավապահների մահվան պատճառ դարձան։ Հայաստանի Հանրապետությունը խստորեն դատապարտում է այս ահաբեկչությունը և անընդունելի է համարում բռնության ցանկացած դրսեւորում։ Խնդրում եմ Հայաստանի ժողովրդի և անձամբ իմ անունից կարեկցանքի և զորակցության խոսքեր փոխանցել զոհվածների ընտանիքներին և հարազատներին, իսկ բոլոր տուժածներին մաղթում եմ շուտափույթ ապաքինում»,- ասված է ուղերձում։