News - Իրանում բացվել է Պարսից ծոցը Կասպից ծովին կապող երկաթուղի

Հինգշաբթի առավոտյան իրանցի և ռուս պաշտոնյաների ներկայությամբ բացվել է Ռեշտ-Կասպյան երկաթուղին, հայտնում է Mehr News գործակալությունը։ Հսկայական նախագիծը բացվել է Իրանի նախագահի պաշտոնակատար Մոհամմադ Մոխբերի և նրան ուղեկցող պատվիրակության, ինչպես նաև ՌԴ նախագահի օգնական Իգոր Լևիտինի ներկայությամբ։ Գտնվելով Իրանի հյուսիսում՝ Գիլան նահանգում, Ռեշտ-Կասպյան երկաթուղու նախագիծը Հյուսիս-Հարավ միջազգային տրանսպորտային միջանցքի (INSTC) մի մասն է, որը երկաթուղով կապում է Պարսից ծոցը Կասպից ծովին: Իրանի Իսլամական հեղափոխության պահապանների կորպուսի հեռուստատեսության Telegram աքաունթի համաձայն՝ այս երկաթուղային գծի վերջին հատվածի երկարությունը 1468 կիլոմետր է։ Բացման արարողությանը ներկա է եղել նաեւ Ադրբեջանի փոխվարչապետը։ Ըստ վերոհիշյալ աղբյուրի՝ տոննաներով բեռ Կենտրոնական Ասիայից և Ռուսաստանից այս երկաթուղային գծով կշարժվի Պարսից ծոց և Հնդկական օվկիանոս։