News - Իրանում երկրաշարժ է տեղի ունեցել, որի հետևանքով զոհվել է առնվազն 4, վիրավորվել՝ ավելի քան 120-ը

Երեքշաբթի ցերեկը Իրանի Ռազավի Խորասան նահանգի Քաշմար գավառում տեղի է ունեցել երկրաշարժ, որի հետևանքով զոհվել է առնվազն 4, վիրավորվել ավելի քան 120 մարդ, հայտնում է Mehr-ը։ Իրանի հյուսիս-արևելքում գտնվող Խորասան Ռազավի նահանգի տեղական իշխանությունները երեքշաբթի օրը հայտնել են, որ երեքշաբթի տեղական ժամանակով ժամը 13:24-ին Ռիխտերի սանդղակով 5 բալ ուժգնությամբ երկրաշարժ է տեղի ունեցել Քաշմարում: Տեղի իշխանությունները ազգային հեռուստաընկերությանը հայտնել են, որ երկրաշարժից անմիջապես հետո տարածաշրջան է ուղարկվել փրկարարական և որոնողական խումբը՝ հավելելով, որ 120 տուժածներից 35-ը տեղափոխվել են հիվանդանոց՝ երկրաշարժից ստացած վնասվածքների համար բուժում ստանալու համար։ Իշխանությունները հայտնել են, որ երկրաշարժը վնասել է հիմնականում կիսավեր շինությունները։ Քաշամարի նահանգապետը հայտնել է, որ մահացածներից երկուսը կորցրել են իրենց կյանքը, երբ փախչելիս են եղել երկրաշարժից, իսկ մյուս երկուսը մնացել են փլատակների տակ։