News - Առողջապահության նախարարություն. Երևանի Մարշալ Բաղրամյան պողոտայում տեղի ունեցած իրադարձություններից հետո բուժօգնության է դիմել 101 մարդ.

Հինգշաբթի ժամը 9:30-ի դրությամբ Երևանի Մարշալ Բաղրամյան պողոտայում՝ Հայաստանի խորհրդարանի շենքի մոտ, չորեքշաբթի տեղի ունեցած իրադարձությունների հետևանքով բուժօգնության է դիմել 101 քաղաքացիական անձ և ոստիկան։ Առողջապահության նախարարությունից NEWS.am -ին հայտնում են, որ նրանցից 85-ը, ստանալով անհրաժեշտ բուժօգնություն, դուրս են գրվել։ Դաստակի վնասվածքով հիվանդը վիրահատությունից հետո գտնվում է բավարար վիճակում։ Մնացած 16 անձինք ստանում են անհրաժեշտ բուժօգնություն։ Նրանք ունեն թեթև և միջին ծանրության վնասվածքներ։ Չորեքշաբթի օրը Մարշալ Բաղրամյան պողոտայում բողոքի ակցիաների ժամանակ մեծ թվով ոստիկաններ դաժան ուժ են կիրառել ցուցարարների նկատմամբ։ Ոստիկանները խլացուցիչ նռնակներ են կիրառել, ինչի հետեւանքով բազմաթիվ մարդիկ են տուժել, մեկ անձի ձեռքը կտրվել է։ Միջոցառումը լուսաբանող լրագրողները նույնպես վիրավորվել են. NEWS.am-ի օպերատորը խլացուցիչ նռնակների կիրառման հետեւանքով ոտքի կոտրվածք է ստացել։