News - Տիգրան Խաչատրյանը հանդիպել է Մայքլ Զիբերտի հետ, ընդգծել Հայաստան-ԵՄ համագործակցության շարունակական զարգացումը
Business Strategy
Տիգրան Խաչատրյանը հանդիպել է Մայքլ Զիբերտի հետ, ընդգծել Հայաստան-ԵՄ համագործակցության շարունակական զարգացումը
ՀՀ փոխվարչապետ Տիգրան Խաչատրյանն ընդունել է Եվրոպական միության արտաքին գործողությունների եվրոպական ծառայության (ԵՄ) Ռուսաստանի, Արևելյան գործընկերության, Կենտրոնական Ասիայի, տարածաշրջանային համագործակցության և ԵԱՀԿ կառավարիչ տնօրեն Մայքլ Զիբերտի գլխավորած պատվիրակությանը։ Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը։ Փոխվարչապետը շնորհակալություն է հայտնել Զիբերտին Հայաստան կատարած այցի համար և ընդգծել Հայաստան-ԵՄ համագործակցության շարունակական զարգացումն ու ընդլայնումը։ Զրուցակիցները մասնավորապես անդրադարձել են ճգնաժամային կառավարմանը և երկկողմ համագործակցության միջոցով դրանց առավել արդյունավետ արձագանքելու հնարավորությանը։ Տիգրան Խաչատրյանը նաև հակիրճ ներկայացրել է Լեռնային Ղարաբաղից Հայաստան բռնի տեղահանված հայերի բնակարանային ապահովության և զբաղվածության ապահովման ուղղությամբ նախատեսվող աշխատանքները։ Կողմերը քննարկել են նաև փոխադարձ հետաքրքրություն ներկայացնող այլ հարցեր։
About usyoo
Categories
Tags
