News - Պապիկյանը և Սերբիայի դեսպանը քննարկել են իրենց երկրների միջև պաշտպանական համագործակցությունը (ֆոտո)

ՀՀ պաշտպանության նախարար Սուրեն Պապիկյանը երեքշաբթի ընդունել է Հայաստանում Սերբիայի դեսպան Տատյանա Պանայոտովիչ Ցվետկովիչին և պաշտպանության կցորդ, փոխգնդապետ Զվեզդան Կրիչակին, ում համապատասխան նստավայրը գտնվում է Թեհրանում։ Նախ՝ պաշտպանության նախարարը շնորհավորել է փոխգնդապետ Կրիչակին՝ Հայաստանում հավատարմագրվելու կապակցությամբ և մաղթել արդյունավետ գործունեություն։ Հանդիպման ընթացքում քննարկվել են պաշտպանական ոլորտում երկու երկրների համագործակցությունը։ Պայմանավորվածություն է ձեռք բերվել նաև աշխատանքներ տանել Հայաստանի և Սերբիայի կառավարությունների միջև պաշտպանական համագործակցության մասին համաձայնագրի ստորագրման ուղղությամբ։ Քննարկվել են նաև Հայաստանի զինված ուժերում իրականացվող բարեփոխումները և տարածաշրջանային անվտանգության հարցեր։