News - Հայաստանի նախարարը և Բելգիայի փոխվարչապետը քննարկել են պաշտպանական ոլորտում համագործակցության հնարավորությունները (ֆոտո)

Բելգիա կատարած աշխատանքային այցի ընթացքում Հայաստանի պաշտպանության նախարար Սուրեն Պապիկյանը երեքշաբթի հանդիպել է Բելգիայի փոխվարչապետ Դեյվիդ Կլարինվալի հետ։ ՀՀ ՊՆ-ից NEWS.am -ին հայտնում են, որ հանդիպման ընթացքում քննարկվել են պաշտպանության ոլորտում Հայաստանի և Բելգիայի միջև հնարավոր համագործակցությունը։ Նախարար Պապիկյանը ներկայացրել է Հայաստանի զինված ուժերում իրականացվող բարեփոխումները՝ մանրամասնելով դրանց նպատակներն ու առաջընթացը, ինչպես նաև Հայաստանի կառավարության «Խաղաղության խաչմերուկ» ծրագիրը։ Բացի այդ, հանդիպմանն անդրադարձ է կատարվել ՆԱՏՕ-ի և ԵՄ-ի շրջանակներում համագործակցությանը, ինչպես նաև բազմակողմ համատեքստում տարածաշրջանային անվտանգությանն առնչվող ավելի լայն քննարկումների: