News - Ռուսաստանի Անվտանգության դաշնային ծառայության ղեկավար. Արևմուտքը փորձում է պայմաններ ստեղծել ԱՊՀ երկրներում «գունավոր հեղափոխությունների» համար
Business Strategy
Ռուսաստանի Անվտանգության դաշնային ծառայության ղեկավար. Արևմուտքը փորձում է պայմաններ ստեղծել ԱՊՀ երկրներում «գունավոր հեղափոխությունների» համար
Ռուսաստանի Անվտանգության դաշնային ծառայության (ԱԴԾ) տնօրեն Ալեքսանդր Բորտնիկովը կարծում է, որ Արևմուտքը փորձում է պայմաններ ստեղծել ԱՊՀ երկրներում «գունավոր հեղափոխությունների» համար։ Այս մասին նա ասել է Ղրղզստանի մայրաքաղաք Բիշքեկում ԱՊՀ անդամ երկրների անվտանգության մարմինների և հատուկ ծառայությունների ղեկավարների խորհրդի նիստում։ Ռուսական հետախուզության ղեկավարի խոսքով՝ արևմտյան կենտրոնները ձևավորում են «աքսորյալ կառավարություններ»՝ ԱՊՀ երկրներում իրավիճակի վատթարացման և զանգվածային անկարգությունների դեպքում իշխանությունը զավթելու համար։ Նա մեղադրել է արևմտյան խաղացողներին ներքին ճգնաժամերի համար պայմաններ ստեղծելու մեջ՝ հավելելով, որ դրա համար օգտագործվում են ազդեցության գործակալներ, վերահսկվող ընդդիմադիր կուսակցություններ և շարժումներ, շահույթ չհետապնդող կազմակերպություններ և կեղծ անկախ լրատվամիջոցներ։ Նաև, ըստ Բորտնիկովի, ԱՄՆ-ն և Մեծ Բրիտանիան, Ռուսաստանի գործընկերների դեմ պատժամիջոցների քողի ներքո, ցանկանում են լիակատար վերահսկողություն հաստատել ԱՊՀ տարածքում առևտրի և ֆինանսական գործարքների վրա, որպեսզի կարողանան խաթարել ցանկացած երկրի տնտեսությունը։ Շարունակվում են նաև ԱՊՀ երկրների վրա ռազմական, քաղաքական և տնտեսական ճնշումները, պաշտպանության ոլորտում համագործակցության տարբեր ձևաչափերի պարտադրումը, հավելել է նա։ Բորտնիկովը նշել է, որ տարածաշրջանային հակամարտությունները սնվում են դրսից՝ նպաստավոր պայմաններ ստեղծելով միջազգային ահաբեկչական կազմակերպություններին կերակրելու համար։ Նշենք, որ Հայաստանը նույնպես ԱՊՀ անդամ է։
About usyoo
Categories
Tags
