News - Հայաստանի և Սլովենիայի ԱԳՆ-ները քննարկել են տարածաշրջանային վերջին զարգացումները

Երեքշաբթի Երևանում քաղաքական խորհրդակցություններ են տեղի ունեցել Հայաստանի և Սլովենիայի արտաքին գործերի նախարարությունների միջև, տեղեկացնում է ՀՀ արտաքին գործերի նախարարությունը։ Կողմերն ընդգծել են Հայաստան-Սլովենիա քաղաքական երկխոսության հետագա խորացման կարևորությունը և քննարկել երկկողմ հետաքրքրություն ներկայացնող ոլորտներում առկա ներուժի իրացման հնարավորություններն ու հեռանկարները։ Զրուցակիցներն անդրադարձել են նաև միջազգային կազմակերպությունների շրջանակներում համագործակցությանը, ինչպես նաև Հայաստանի և ԵՄ-ի միջև դինամիկ զարգացող գործընկերության օրակարգին։ Անդրադարձ կատարվեց նաև միջազգային և տարածաշրջանային վերջին զարգացումներին և անվտանգության ոլորտում դրանց հնարավոր ազդեցություններին։ Բացի այդ, հայկական կողմը ներկայացրել է Հայաստանի դիրքորոշումները Հայաստան-Ադրբեջան հարաբերությունների կարգավորման, ինչպես նաև Հայաստանի կառավարության կողմից մշակված «Խաղաղության խաչմերուկ» նախագծի վերաբերյալ։