News - Ucom-ը նշում է Հեռահաղորդակցության օրը
Business Strategy
Ucom-ը նշում է Հեռահաղորդակցության օրը
Մայիսի 17-ին նշվում է Հեռահաղորդակցության և տեղեկատվական հասարակության օրը՝ ի հիշատակ Հեռահաղորդակցության միջազգային միության հիմնադրման 1865 թվականի մայիսի 17-ին: Հեռահաղորդակցության միջազգային միությունն այսօր Միավորված ազգերի կազմակերպության (ՄԱԿ) գործակալություն է, որը համակարգում է գլոբալ ռադիոհաճախականությունների օգտագործումը, զարգացնելով հեռահաղորդակցության ենթակառուցվածքն ամբողջ աշխարհում և խթանում է տեխնիկական ստանդարտների զարգացումը համաշխարհային մասշտաբով: Հեռահաղորդակցության միջազգային միությունը ստեղծվել է հեռահաղորդակցության ժամանակակից տեխնոլոգիաների ազդեցության շնորհիվ, որոնք նպաստում են ՄԱԿ-ի գլոբալ նպատակներին: Հեռահաղորդակցությունը ոչ միայն հիմք է ստեղծում մարդկության առաջընթացի համար, այլև հնարավորություններ է ստեղծում առկա մարտահրավերներին դիմակայելու համար: Հայաստանը նաև Հեռահաղորդակցության միջազգային միության անդամ է, իսկ Ucom-ը՝ որպես Հայաստանում գործող հեռահաղորդակցական ընկերություն, իր բաժանորդներին առաջարկում է կապի ծառայություններ և բարձրորակ և արագ ինտերնետ հասանելիություն, ինչպես նաև շատ պահանջված փաթեթային լուծումներ։ «Ucom-ը բազմաթիվ բաժանորդներ ունի Հայաստանում, և այս պահին մենք ակտիվորեն ընդլայնում ենք մեր ցանցերը, որպեսզի մեր հայրենակիցները կարողանան օգտվել բարձրորակ ինտերնետ կապից Հայաստանի բոլոր անկյուններում։ Սա մեծ պատիվ է և մեծ պատասխանատվություն մեզ համար։ Հպարտությամբ կարող եմ ասել, որ մեր բաժանորդներից շատերը նախընտրում են օգտվել մեր ծառայություններից փաթեթներով՝ վստահելով մեզ բջջային կապի, ֆիքսված ինտերնետի և հեռուստատեսության առումով»,- ասաց Ucom-ի Գլխավոր տնօրեն Ռալֆ Յիրիկյանը։ Հարկ է նշել, որ ընկերության ռազմավարության համաձայն՝ Ucom-ը ընդլայնում է ինչպես ֆիքսված, այնպես էլ բջջային ցանցը Հայաստանում։ Մասնավորապես, անցած և ընթացիկ տարիների ընթացքում ֆիքսված ցանցը գործարկվել է 6 նոր մարզային բնակավայրերում։ Ցանցն ընդլայնելու և արդիականացնելու նպատակով ընկերությունը համագործակցում է աշխարհի առաջատար Nokia ընկերության և այլ միջազգային գործընկերների հետ, իսկ միջազգային MediaKind ընկերության հետ համատեղ ներդրվում են նոր և ժամանակակից հեռուստատեսային լուծումներ։
About usyoo
Categories
Tags
