News - Երեւանի քաղաքապետի ընտրություններին ժամը 11:00-ի դրությամբ մասնակցում է ընտրողների 5,7 տոկոսը

Երեւանի ավագանու (մայրաքաղաքի ներկայացուցչական մարմնի) ընտրություններին ժամը 11:00-ի դրությամբ 824250 ընտրողներից մասնակցել է 47671 ընտրող, որը կազմում է ընտրելու իրավունք ունեցողների 5,7%-ը։ Այս մասին սեպտեմբերի 17-ին ասել է Հայաստանի Կենտրոնական ընտրական հանձնաժողովի (ԿԸՀ) փոխնախագահ Նունե Հովհաննիսյանը, որը ներկայացրել է նաև ընտրողների ակտիվության տվյալները Երևանի վարչական շրջանների համար. Աջափնյակ – 4570 կամ 5,51%, Ավան – 2530 ընտրող կամ 6,48%, Արաբկիր – 5413 ընտրող կամ 5,73%, Դավթաշեն – 2293 ընտրող կամ 6,85 տոկոս. Էրեբունի – 4445 ընտրող կամ 4,99 տոկոս. Կենտրոն – 4890 ընտրող կամ 5,15 տոկոս. Մալաթիա-Սեբաստիա – 6078 ընտրող կամ 5,72 տոկոս. Նոր-Նորք – 5995 ընտրող կամ 6,15 տոկոս. Նորք-Մարաշ – 698 ընտրող կամ 6,54%, Նուբարաշեն – 471 ընտրող կամ 5,84%, Շենգավիթ – 6584 կամ 5,94%, Քանաքեռ-Զեյթուն – 3694 ընտրող կամ 6,51%: Համեմատության համար նշենք, որ նախորդ՝ 2018 թվականի սեպտեմբերի 23-ին կայացած մայրաքաղաքային ընտրություններում «Թավշյա հեղափոխության» էյֆորիայի ֆոնին ժամը 11.00-ին 848.343 ընտրողներից քվեարկել էր 79.686 ընտրող, որը կազմել է 9.39%: Հայաստանի Կենտրոնական ընտրական հանձնաժողովը ընտրողների ակտիվության վերաբերյալ նոր տվյալներ կհրապարակի ժամը 15.00-ին։ Սա կլինի տեղական ժամանակով ժամը 14.00-ին ընտրողների մասնակցության հաշվետվությունը: