News - Ադրբեջանի խորհրդարանը դժգոհ է Լյուքսեմբուրգի օրենսդիր մարմնի հայանպաստ բանաձեւից

Ադրբեջանի Միլլի Մեջլիսն իր դժգոհությունն է հայտնել Լյուքսեմբուրգի Պատգամավորների պալատի հայանպաստ բանաձեւի կապակցությամբ։ Լյուքսեմբուրգի Պատգամավորների պալատը հինգշաբթի օրը միաձայն ընդունել է Հայաստանին աջակցելու և նրա տարածաշրջանում խաղաղություն և կայունություն հաստատելու որոշումը։ Ադրբեջանի Միլի Մեջլիսի միջազգային և միջխորհրդարանական հարաբերությունների հանձնաժողովի հայտարարության մեջ նշվում է, որ հանձնաժողովը «խիստ բողոքում է 2024 թվականի մայիսի 16-ին Լյուքսեմբուրգի Պատգամավորների պալատի կողմից կողմնակալ և ոչ օբյեկտիվ բանաձևի ընդունման դեմ, և վճռականորեն դատապարտում է մեր երկրին ուղղված այս գործողությունը»։ Հաշվի առնելով, որ Լյուքսեմբուրգի Պատգամավորների պալատի վերոհիշյալ բանաձեւը կոչ է արել հարգել միջազգային իրավունքը, Ադրբեջանի խորհրդարանի վերոհիշյալ արձագանքը բավականին տարօրինակ է թվում։