News - Վարչապետը քննարկել է Զարգացման ֆրանսիական գործակալության հետ համագործակցությամբ Հայաստանում իրականացվող ծրագրերը
Business Strategy
Վարչապետը քննարկել է Զարգացման ֆրանսիական գործակալության հետ համագործակցությամբ Հայաստանում իրականացվող ծրագրերը
Վարչապետի աշխատակազմից NEWS.am-ին հայտնում են, որ վարչապետ Նիկոլ Փաշինյանն ընդունել է Զարգացման ֆրանսիական գործակալության (AFD) գործադիր տնօրենի տեղակալ Բերտրան Վալկենաերին։ Վարչապետը բարձր է գնահատել Հայաստանի համագործակցությունը AFD-ի հետ և հույս հայտնել, որ մոտ ապագայում այն ավելի կզարգանա և կներառի այլ նոր ոլորտներ։ Փաշինյանը նշեց, որ Հայաստանը շահագրգռված է խորացնելու և ընդլայնելու Ֆրանսիայի հետ համագործակցությունը բոլոր ոլորտներում, և վերջին շրջանում այդ ուղղությամբ հետևողական քայլեր են արվում։ Իր հերթին Վալքենաերը նշել է, որ AFD-ն նախատեսում է ընդլայնել Հայաստանի կառավարության հետ համագործակցության ուղղությունները և ծրագրերի շրջանակը՝ նպաստելով Հայաստանում տարբեր ենթակառուցվածքների զարգացմանը։ Հանդիպման ընթացքում քննարկվել են Զարգացման ֆրանսիական գործակալության հետ համագործակցությամբ Հայաստանում իրականացվող ծրագրերը, այդ թվում՝ Վեդիի ջրամբարի կառուցումը։
About usyoo
Categories
Tags
