News - Հայաստանի վարչապետը հանդիպել է Դանիայի գործընկերոջ հետ
Business Strategy
Հայաստանի վարչապետը հանդիպել է Դանիայի գործընկերոջ հետ
ՀՀ վարչապետ Նիկոլ Փաշինյանը հանդիպել է դանիացի գործընկերոջ հետ։ Այս մասին Փաշինյանը հայտնել է ֆեյսբուքյան իր էջում։ «Դանիայի Թագավորություն կատարած աշխատանքային այցի շրջանակներում ես հանդիպում ունեցա այդ երկրի վարչապետ Մետե Ֆրեդերիկսենի հետ»,- գրել է ՀՀ վարչապետը և հրապարակել համապատասխան տեսանյութ։ Ավելի վաղ NEWS.am-ը հայտնել էր, որ ՀՀ վարչապետ Նիկոլ Փաշինյանը երկուշաբթի աշխատանքային այցով մեկնել է Դանիա։ Նա երեքշաբթի կմասնակցի Կոպենհագենի Ժողովրդավարության գագաթնաժողովին 2024 թ. Այս միջոցառման շրջանակներում Փաշինյանը կմասնակցի «Առաջնագծից՝ Հայաստանի պաշտպանությունը ժողովրդավարության» խորագրով քննարկմանը։ Այցը ներառում է նաև հանդիպումներ Դանիայի վարչապետ Մետե Ֆրեդերիկսենի, խորհրդարանի խոսնակ Սորեն Գադեի և Կոպենհագենի ժողովրդավարության գագաթնաժողովի հիմնադիր և Rasmussen Global միջազգային քաղաքական խորհրդատվական կազմակերպության հիմնադիր Անդերս Ֆոգ Ռասմուսենի հետ։
About usyoo
Categories
Tags
