News - Նիկոլ Փաշինյանը և Անդերս Ֆոգ Ռասմուսենը մտքեր են փոխանակել հարավկովկասյան զարգացումների շուրջ

Հայաստանի վարչապետ Նիկոլ Փաշինյանը Դանիայում հանդիպել է Կոպենհագենի ժողովրդավարության գագաթնաժողովի հիմնադիր, «Rasmussen Global» միջազգային քաղաքական խորհրդատվական կազմակերպության հիմնադիր Անդերս Ֆոգ Ռասմուսենի հետ։ Ռասմուսենը շնորհակալություն է հայտնել ՀՀ վարչապետին Կոպենհագենում կայանալիք ժողովրդավարության գագաթնաժողովի հրավերն ընդունելու և «Առաջին գծից. Հայաստանի պաշտպանությունը ժողովրդավարության» խորագրով քննարկման համար։ Զրուցակիցները մտքեր են փոխանակել տարածաշրջանային զարգացումների և անվտանգության մարտահրավերների շուրջ։ Քննարկվել են նաև Հարավային Կովկասում անվտանգության և կայունության ապահովման հարցը, և երկուստեք ընդգծվել են այդ ուղղությամբ շարունակական ջանքերը։ Իսկ տարածաշրջանային ալիքների ապաշրջափակման համատեքստում Անդերս Ֆոգ Ռասմուսենն ընդգծել է Հայաստանի կառավարության «Խաղաղության խաչմերուկ» նախագիծը։