News - ՎԶԵԲ-ը Հայաստանին կտրամադրի 236 մլն եվրո վարկ Հյուսիս-Հարավ ծրագրի շրջանակներում ճանապարհաշինության համար

Վերակառուցման և զարգացման եվրոպական բանկը (ՎԶԵԲ) Հայաստանին կտրամադրի 236 մլն եվրոյի վարկ՝ «Հյուսիս-Հարավ» միջազգային տրանսպորտային միջանցքի նախագծի Քաջարան-Սիսիան ճանապարհահատվածի կառուցման համար։ Այս նախագծի ընդհանուր արժեքը կազմում է մոտ 373 մլն եվրո։ Նոր ճանապարհը բաժանվելու է հյուսիսային, հարավային և կենտրոնական հատվածների։ Նշված վարկը կուղղվի հարավային հատվածի կառուցմանը։ Այս ճանապարհը Քաջարան-Սիսիան ճանապարհը 118-ից կկրճատի 60 կիլոմետրի, իսկ միջին արագությունը ժամում 50-ից կհասցվի 100 կիլոմետրի։ Այս ճանապարհի շինարարությունը նախատեսվում է ավարտել մինչև 2030 թվականը։ Համապատասխան վարկային համաձայնագրի ստորագրումը նախատեսվում է ՎԶԵԲ տարեկան ժողովի շրջանակներում, որը մեկնարկել է երեքշաբթի և կամփոփվի հինգշաբթի։