News - Թերթ. ԱՄՆ Պետդեպարտամենտը, Հայաստանի կառավարությունը, անհայտ կորածների, գերիների ոչ պաշտոնական թվերն անհամեմատելի են.

«Ժողովուրդ» օրաթերթը, մասնավորապես, գրում է. ԱՄՆ Պետդեպարտամենտի Ժողովրդավարության, մարդու իրավունքների և աշխատանքի բյուրոյի հրապարակած զեկույցում անդրադարձ է եղել նաև անհետ կորած քաղաքացիներին՝ ինչպես հայկական կողմից, այնպես էլ՝ ադրբեջանցին. «Կարմիր խաչի միջազգային կոմիտեն (ԿԽՄԿ) տվյալներ է հավաքել Ադրբեջանի հետ հակամարտության պատճառով անհայտ կորածների վերաբերյալ և աշխատել է կառավարության հետ՝ անհայտ կորածների միասնական ցուցակ մշակելու ուղղությամբ։ Կարմիր խաչի միջազգային կոմիտեի տվյալներով՝ 1990-ականներից սկսած՝ հակամարտության արդյունքում անհայտ կորած է համարվում շուրջ 4931 հայ և ադրբեջանցի, որից 761-ը՝ հայ։ Կառավարության տվյալներով՝ տարեվերջի դրությամբ 2020 թվականի մարտական ​​գործողություններից հետո անհայտ կորած է համարվում 195 մարդ (այդ թվում՝ 20 քաղաքացիական անձ), ևս 2 զինծառայող՝ 2022 թվականի սեպտեմբերյան ռազմական գործողություններից հետո։ Սեպտեմբերի 19-ի [Ադրբեջանի կողմից] հարձակումից հետո անհայտ կորած է համարվում 42 հայ (այդ թվում՝ 12 խաղաղ բնակիչ): Հավելենք, որ ոչ պաշտոնապես նշվում է 80 չհաստատված հայ գերի։ ՀՀ վարչապետը, ով 2024 թվականին արդեն երկու անգամ ասուլիս էր հրավիրել, չկարողացավ հստակ սահմանել, թե ինչ քննարկումներ են ծավալվել գերիների վերադարձի հետ կապված։ Նա պարզապես ասաց. «Քննարկումներ եղել են, բայց չեմ կարող ասել, թե ում հետ և ինչ ենք քննարկել»։