News - Վարչապետը թվարկում է, թե ինչ ազգային արժեքներ ունեն հայաստանցիները

ՀՀ վարչապետ Նիկոլ Փաշինյանը ֆեյսբուքյան իր էջում գրառում է կատարել. «Հայաստանի Հանրապետության ժողովրդի ազգային արժեքներն են. - Հայոց պետականություն, Հայաստանի Հանրապետություն. - Հայաստանի Հանրապետության անկախություն, ինքնիշխանություն, քաղաքացիություն, ժողովրդավարություն, բանակ։ - Հայաստանի պատմությունը, հայ ժողովրդի բանահյուսությունը, էպոսը, հավատալիքները, լեգենդները, առասպելները։ - Հայոց լեզու և գրեր, հայ գրականություն, ներառյալ թարգմանական գրականություն, գիտելիք, գիտություն. - Համահայկական ներուժ, հայկական սփյուռք. -Հայրենիք, ընտանիք, անհատ. - Հայ Առաքելական Սուրբ Եկեղեցի, Հայ Կաթողիկե Եկեղեցի, Հայ Ավետարանական եկեղեցի, Քրիստոնեություն։ - Հայ աշուղ, գուսան, ժողովրդական, դասական, ինքնատիպ և էստրադային երաժշտություն, հայկական պար, հայկական կերպարվեստ, հայ բեմական արվեստ, հայկական ճարտարապետություն։ - Հայրենի բնությունն իր կենսաբազմազանությամբ. - Առաջընթաց, ազատականություն, ինքնասիրություն, հյուրասիրություն, սովորելու սեր, աշխատասիրություն, օրինապահություն, հարգանք և հանդուրժողականություն այլ մարդկանց, ժողովուրդների, կրոնների նկատմամբ: -Ազգային փոքրամասնությունների նկատմամբ եղբայրական զգացմունքներն ու հարաբերությունները և նրանց հետ անբաժան միությունը՝ արտահայտված Հայաստանի Հանրապետության քաղաքացիությամբ. -Հայկական խոհանոց, նյութական և ոչ նյութական ժառանգության այն բոլոր նմուշները, որոնք արտահայտում, պատկերում, նկարագրում կամ խորհրդանշում են վերը նկարագրված Հայաստանի Հանրապետության ժողովրդի ազգային արժեքները»,- գրել է ՀՀ վարչապետը։