News - Վարչապետը շնորհավորել է Հայաստանի հրեական համայնքին Ռոշ Հաշանայի առթիվ

Վարչապետ Նիկոլ Փաշինյանը շնորհավորական ուղերձ է հղել Հայաստանի հրեական համայնքին Ռոշ Հաշանայի՝ հրեական Նոր տարվա առթիվ, հայտնում է ՀՀ կառավարության մամուլի ծառայությունը։ «Հայաստանի հրեական համայնքի հարգելի ներկայացուցիչներ, Ջերմորեն շնորհավորում եմ ձեզ հրեական Նոր տարվա՝ Ռոշ Հաշանայի կապակցությամբ, թող գալիք նոր տարին լինի խաղաղության, արարման և նոր ձեռքբերումների տարի Հայաստանի մեր հրեա հայրենակիցների և ողջ հրեա ժողովրդի համար։ Թող հրեական համայնքը Հայաստանի ողջ ժողովրդի հետ երբեք չհանդիպի այնպիսի հակամարդկային երևույթների, ինչպիսիք են ազգային և կրոնական խտրականությունը կամ այլատյացությունը։ Թող հայ և հրեա ժողովուրդների բարեկամությունն ու համագործակցությունը շարունակի զարգանալ և ամրապնդվել։ Կրկին շնորհավորելով Ռոշ Հաշանայի կապակցությամբ՝ մաղթում եմ ամենայն բարիք, առողջություն և բարձր տրամադրություն»,- ասված է ուղերձում։