News - Բրազիլիայի հարավում ջրհեղեղների հետևանքով առնվազն 29 մարդ է զոհվել

Բրազիլիայի հարավային Ռիո Գրանդե դու Սուլ նահանգում առնվազն 29 մարդ է զոհվել, 60-ը համարվում են անհետ կորած, հայտնում է CNN Brasil-ը։ Այնտեղ աղետից տուժել է ավելի քան 150 քաղաք։ Վատ եղանակը ազդել է այս նահանգի 50 համայնքների վրա, որտեղ ապրում է մոտ 10 միլիոն մարդ: Շարունակվող անձրևների պատճառով առնվազն 10 հազար մարդ ստիպված է եղել լքել տները։ Ավելի քան 500 հազար տուն մնացել է առանց ջրամատակարարման, իսկ ավելի քան 300 հազարը՝ առանց էլեկտրականության։ Բրազիլիայի նախագահ Լուիս Ինասիո Լուլա դա Սիլվան հինգշաբթի ժամանել է Սանտա Մարիա քաղաքապետարան, որտեղ հանդիպել է Ռիո Գրանդե դու Սուլի նահանգապետ Էդուարդո Լեյտեի հետ։ Սակայն եղանակային վատ պայմանների պատճառով իշխանությունները չեն կարողացել ստուգել տարածաշրջանը։ Բրազիլիայի զինված ուժերը Ռիո Գրանդե դու Սուլում տուժածներին օգնության են ուղարկել 8 ինքնաթիռ և մոտ 600 զինվոր։ Բրազիլիայի հարավում անձրևները սկսվել են երկուշաբթի օրը։ Իսկ չորեքշաբթի Լեյտեն արտակարգ դրություն է հայտարարել ջրհեղեղների պատճառած վնասների պատճառով։