News - ՀՀ նախարարն ու ԱՄՆ դեսպանը քննարկել են պաշտպանական համագործակցության հեռանկարները (ֆոտո)

ՀՀ պաշտպանության նախարար Սուրեն Պապիկյանը հինգշաբթի ընդունել է ԱՄՆ դեսպան Քրիստինա Կվիենին։ Հանդիպման ընթացքում կողմերը քննարկել են պաշտպանության ոլորտում Հայաստանի և Միացյալ Նահանգների միջև համագործակցության ներկա վիճակը, ինչպես նաև դրա հետագա զարգացման հեռանկարները։ Երկուստեք բարձր է գնահատվել համագործակցության ներկա մակարդակը, իսկ ամերիկյան կողմը պատրաստակամություն է հայտնել շարունակել աջակցել Հայաստանում իրականացվող պաշտպանական բարեփոխումներին։ Բացի այդ, հանդիպմանը քննարկվել են տարածաշրջանային անվտանգության հարցեր։ Հանդիպման ավարտին նախարար Պապիկյանը և դեսպան Կվիենը ստորագրեցին համաձայնագիր՝ երկարաձգելու Հայաստանի կառավարության և ԱՄՆ կառավարության միջև զանգվածային ոչնչացման զենքերի հակազդեցության ոլորտում համագործակցության պայմանագրի գործողության ժամկետը։