News - Նաննա Սկաու. Ղարաբաղից բռնի տեղահանվածներին անհրաժեշտ է խոցելիության վրա հիմնված օգնություն ստանալ (ֆոտո)
Business Strategy
Նաննա Սկաու. Ղարաբաղից բռնի տեղահանվածներին անհրաժեշտ է խոցելիության վրա հիմնված օգնություն ստանալ (ֆոտո)
Տարածքային կառավարման և ենթակառուցվածքների փոխնախարար Վաչե Տերտերյանն ընդունել է Հայաստանում ՄԱԿ-ի Պարենի համաշխարհային ծրագրի (ՊՀԾ) ներկայացուցիչ, երկրի տնօրեն Նաննա Սկաուի գլխավորած պատվիրակությանը։ ՀՀ տարածքային կառավարման և ենթակառուցվածքների նախարարությունից NEWS.am -ին հայտնում են, որ փոխնախարարը խոսել է ՀՀ կառավարության և ՄԱԿ-ի ՊՀԾ-ի երկար տարիների արդյունավետ համագործակցության մասին։ Տերտերյանը խոսեց նաև դպրոցաշինական ծրագրերի, ջրամբարների կառուցման, ոռոգման համակարգի, Հայաստանում համայնքային տարբեր խնդիրների, ինչպես նաև Լեռնային Ղարաբաղից Հայաստան բռնի տեղահանված հայերի խնդիրների մասին։ ՊՀԾ հայաստանյան գրասենյակի ներկայացուցիչն իր հերթին խոսեց իրականացված ծրագրերի և առկա խնդիրների մասին և նշեց, որ Հայաստանում դրանց գործունեությունը շարունակելու դեպքում հնարավորություն կա համագործակցելու նաև որոշ այլ ծրագրերի շուրջ։ Իսկ խոսելով Լեռնային Ղարաբաղից բռնի տեղահանվածների մասին՝ Սկաուն նշել է, որ նրանք իրականացրել են նրանց սոցիալական ինտեգրման խոչընդոտների վերլուծություն և պարենային անվտանգության գնահատում։ Եվ ամփոփելով այդ վերլուծությունն ու գնահատումը, նրանք եզրակացրեցին, որ պետք է անցում կատարվի այդ անձանց կարգավիճակի վրա հիմնված օգնությունից դեպի խոցելիության վրա հիմնված օգնություն: Զրույցի ընթացքում քննարկվեցին նաև երկկողմ հետաքրքրություն ներկայացնող մի շարք այլ հարցեր։
About usyoo
Categories
Tags
