

Թուրքիան բարձր առաջնահերթություն է տալիս Կովկասում կայունության և խաղաղության պահպանմանը և աջակցում է իր «եղբայրական» երկրին Ադրբեջանին, ուրբաթ օրը հայտարարել է պաշտպանության նախարար Յաշար Գյուլերը, գրում է Daily Sabah-ը։ «Մենք մեծ նշանակություն ենք տալիս կայունությանը Կովկասում։ Մենք զգալի ջանքեր ենք գործադրում տարածաշրջանում կայուն խաղաղություն հաստատելու համար և շարունակում ենք աջակցել մեր եղբայր ազգին Ադրբեջանին՝ «մեկ ազգ, երկու պետություն» հասկացողությամբ»,- ասել է Գյուլերը։ Նա նաև ասել է, որ Թուրքիան կշարունակի նպաստել «տարածաշրջանային և գլոբալ խաղաղությանը շատ տարածաշրջաններում»։