News - Վրաստանի խորհրդարանում պատգամավորները կռվել են միմյանց հետ (ՏԵՍԱՆՅՈՒԹ)

Վրաստանի խորհրդարանում ընդդիմության և իշխող մեծամասնության խմբակցության պատգամավորների միջև ծեծկռտուք է տեղի ունեցել չորեքշաբթի օրը լիագումար նիստի մեկնարկից առաջ։ Նիստը պետք է շարունակեր օտարերկրյա գործակալների մասին օրինագծի քննարկումները, հաղորդում է «Մտավարի Արխի» հեռուստատեսությունը։ Այս միջադեպը սկսվել է այն բանից հետո, երբ ընդդիմադիր պատգամավորները բողոքել են երեքշաբթի վերոնշյալ օրինագծի դեմ ցույցերի ժամանակ ոստիկանության հատուկ ջոկատայինների կողմից խոշորագույն ընդդիմադիր կուսակցության՝ «Միացյալ ազգային շարժում» կուսակցության առաջնորդ Լևան Խաբեիշվիլիին ծեծի ենթարկելու դեմ։ Այս բողոքի ակցիան առաջացրել է իշխող «Վրացական երազանք» կուսակցության պատգամավորների դժգոհությունը, որոնք պաշտպանում են ոստիկանության հատուկ ջոկատայինների վերոնշյալ գործողությունները։ Այնուհետև խոսքային պատերազմը վերածվեց օրենսդիրների ծեծկռտուքի։