News - Գերտ Յան Կուպմանը Նիկոլ Փաշինյանին. Հայաստան-Եվրամիություն հարաբերությունները կշարունակեն զարգանալ, դինամիկ ընդլայնվել
Business Strategy
Գերտ Յան Կուպմանը Նիկոլ Փաշինյանին. Հայաստան-Եվրամիություն հարաբերությունները կշարունակեն զարգանալ, դինամիկ ընդլայնվել
Վարչապետ Նիկոլ Փաշինյանն ընդունել է Եվրոպական հանձնաժողովի Հարևանության և ընդլայնման բանակցությունների հարցերով գլխավոր տնօրեն Գերտ Յան Կուփմանի գլխավորած պատվիրակությանը։ Վարչապետը ողջունել է Քուփմանի այցը Հայաստան և ընդգծել Հայաստան-Եվրոպական Միություն (ԵՄ) հարաբերությունների շարունակական զարգացման կարևորությունը։ Այս առումով Փաշինյանը առանցքային է համարել ապրիլի 5-ին Բրյուսելում կայացած Հայաստան-ԵՄ-ԱՄՆ բարձր մակարդակի հանդիպումը և ընդգծել ձեռք բերված պայմանավորվածությունների արդյունավետ իրականացման անհրաժեշտությունը։ Վարչապետը վստահություն է հայտնել, որ Քուփմանի ներկայիս այցը Հայաստան կնպաստի միջոցառումների ծրագրի և օրակարգի ձևավորմանը և դրա հետագա առաջմղմանը։ Գերտ Յան Կուփմանը, իր հերթին, նշել է, որ Եվրահանձնաժողովը պատրաստ է սերտ համագործակցությամբ նպաստել Հայաստանի կառավարության առաջնահերթությունների իրականացմանը՝ մեր երկրի դիմադրողականությունն ու տնտեսական աճը ամրապնդելու նպատակով։ Նաև Եվրոպական հանձնաժողովի Հարևանության և ընդլայնման բանակցությունների գծով գլխավոր տնօրենը վստահություն է հայտնել, որ Հայաստան-ԵՄ հարաբերությունները կշարունակեն դինամիկ զարգանալ և ընդլայնվել։ Զրուցակիցները քննարկել են Հայաստան-Եվրամիություն համագործակցությանն առնչվող հարցերի լայն շրջանակ։
About usyoo
Categories
Tags
