News - Ղազախստանի ԱԳՆ. Հայաստանի և Ադրբեջանի ԱԳ նախարարների բանակցությունների ժամկետը դեռ որոշված չէ
Business Strategy
Ղազախստանի ԱԳՆ. Հայաստանի և Ադրբեջանի ԱԳ նախարարների բանակցությունների ժամկետը դեռ որոշված չէ
Հայաստանի և Ադրբեջանի ԱԳ նախարարների միջև Ղազախստանում նախատեսված բանակցությունների ժամկետը դեռ որոշված չէ, քանի որ Երևանն այս առաջարկին դեռ չի արձագանքել։ Այս մասին Կատարի մայրաքաղաք Դոհայում Կենտրոնական Ասիայի և Ադրբեջանի հետ Արաբական տնտեսական և համագործակցության ֆորումի երրորդ նստաշրջանի շրջանակում հայտարարել է Ղազախստանի փոխարտգործնախարար Ալիբեկ Բակաևը, հայտնում է РИА Новости-ն։ Ղազախստանի փոխարտգործնախարարը նշեց, որ Հայաստանն ու Ադրբեջանը իր իրավասության տակ չեն, և այս հանդիպման օրը դեռ որոշված չէ, քանի որ ոչ բոլոր ապագա մասնակիցներն են պատասխան ստացել։ «Որքանով ես գիտեմ, Հայաստանը դեռ իր համաձայնությունը չի տվել, բայց մենք հույս ունենք, որ այդ բանակցությունները կանցկացվեն»,- ընդգծել է Բակաևը։ Ավելի վաղ Աստանայում կայացած մամուլի ճեպազրույցում Ղազախստանի արտաքին գործերի նախարարության պաշտոնական ներկայացուցիչ Այբեկ Սմեդյարովը հաստատել էր, որ նման բանակցություններ իսկապես նախատեսված են Ալմաթիում, և ղազախական կողմը կապի մեջ է Ադրբեջանի և Հայաստանի գործընկերների հետ։ Նաև, ըստ նրա, սպասվում է, որ այդ բանակցությունները կանցկացվեն բացառապես երկու կողմերի միջև, իսկ Ղազախստանի միջնորդության մասին խոսք չկա։ Սմադիարովի խոսքով, պատահական չէր, որ Ղազախստանը Հայաստանին և Ադրբեջանին առաջարկեց հարթակ այդ բանակցությունների համար, քանի որ, ըստ նրա, Ղազախստանի միջնորդական դերը Լեռնային Ղարաբաղի հիմնախնդրի կարգավորման գործում հայտնի է դեռ 1990-ականներից։
About usyoo
Categories
Tags
