News - Անահիտ Հարությունյանը և Սառա Ուիլշոուն քննարկել են Հայաստան-Կանադա տնտեսական համագործակցության խորացման հեռանկարները

NEWS.am-ը Կանադայում ՀՀ դեսպանությունից տեղեկանում է, որ Հայաստանի դեսպան Անահիտ Հարությունյանը երկուշաբթի հանդիպել է Կանադայի Առևտրի գլխավոր հանձնակատար Սառա Ուիլշոուի հետ։ Կողմերը քննարկել են Հայաստանի և Կանադայի միջև տնտեսական համագործակցության ամրապնդման և խորացման հեռանկարները՝ վստահություն հայտնելով, որ երկկողմ տնտեսական հարաբերությունները զարգացման մեծ ներուժ ունեն։ Զրուցակիցները ողջունել են Կանադայի Եվրասիա Առևտրի պալատի առաջին բիզնես առաքելությունը Հայաստանում, որը հաջողությամբ ավարտվել է մի քանի օր առաջ։ Անդրադարձ է կատարվել նաև կրթական և մասնագիտական ​​զարգացման համատեղ ծրագրերի իրականացման հարցին։