News - Երևանի Հանրապետության հրապարակից մեկնարկել է ավանդական ջահերով երթը
Business Strategy
Երևանի Հանրապետության հրապարակից մեկնարկել է ավանդական ջահերով երթը
Հայոց ցեղասպանության 109-րդ տարելիցին ընդառաջ Երևանի Հանրապետության հրապարակից մեկնարկեց ՀՅԴ երիտասարդական միության և «Նիկոլ Աղբալյան» ուսանողական միության կողմից կազմակերպված ավանդական Ջահերթը։ Ինչպես նախորդ տարիներին, այնպես էլ այս տարի, բոլորը հնարավորություն ունեցան մասնակցելու Ջահերթին որպես ջահակիրներ դեպի Ծիծեռնակաբերդ՝ խորհրդանշելով մարդկության դեմ կատարված հանցագործությունների ճանաչման և դատապարտման պայքարը։ Նշենք, որ ջահերով երթի մասնակիցների անվտանգությունն ապահովելու նպատակով այսօր՝ ժամը 19:00-ից, մայրաքաղաքի մի շարք փողոցներում սահմանափակվելու է երթեւեկությունը։ Մասնավորապես, երթեւեկությունը մասամբ կարգելվի Հանրապետության հրապարակում, Ամիրյան փողոցում, Մաշտոցի եւ Բաղրամյան պողոտաներում, Օրբելի եւ Կիեւյան փողոցներում։ Բացի այդ, ապրիլի 24-ին ժամը 06:00-ից կարգելվի Լենինգրադյան փողոցից դեպի Ծիծեռնակաբերդի խճուղի, Իսակովի և Աթենքի փողոցների խաչմերուկից դեպի Աթենքի փողոց, Հրազդանի կիրճում՝ Երևան ՀԷԿ-ի հարակից կամրջից դեպի Իսակովի պողոտա, Վերֆելի փողոց՝ դեպի Իսակովի պողոտա։ Բրազիլիայի հրապարակ. Նույն օրը՝ ժամը 08:30-ից 11:00-ն, պետական հանդիսավոր միջոցառման մասնակիցների անվտանգությունն ապահովելու նպատակով Ծիծեռնակաբերդի հուշահամալիրի մուտքը փակ է լինելու։
About usyoo
Categories
Tags
