News - Ալեն Սիմոնյանը՝ Գրեգ Ֆերգուսին. Կանադան Հայաստանի հուսալի գործընկերն է
Business Strategy
Ալեն Սիմոնյանը՝ Գրեգ Ֆերգուսին. Կանադան Հայաստանի հուսալի գործընկերն է
Իսպանիա կատարած աշխատանքային այցի շրջանակներում հայկական պատվիրակությունը՝ Ազգային ժողովի (ԱԺ) նախագահ Ալեն Սիմոնյանի գլխավորությամբ, հանդիպել է Կանադայի խորհրդարանի Համայնքների պալատի նախագահ Գրեգ Ֆերգուսի հետ։ ԱԺ-ից NEWS.am -ին հայտնում են, որ հանդիպման սկզբում կողմերը փաստել են Հայաստան-Կանադա բարձր մակարդակի քաղաքական երկխոսության մասին՝ ընդգծելով միջխորհրդարանական հարաբերությունների կարևորությունը։ Սիմոնյանը նաև շնորհակալություն հայտնեց Կանադային տարբեր միջազգային հարթակներում Հայաստանին ցուցաբերվող շարունակական աջակցության համար։ «Կանադան մեր վստահելի գործընկերն է»,- նշել է նա։ Բացի այդ, Սիմոնյանը կանադացի գործընկերոջը ներկայացրել է Հայաստան-Ադրբեջան բանակցությունների ընթացքը՝ վերահաստատելով Հայաստանի հանձնառությունը Հարավային Կովկասում խաղաղություն հաստատելու հարցում։ Զրուցակիցները մտքեր են փոխանակել Հայաստան-Կանադա միջխորհրդարանական հարաբերությունների սերտացման և երկու խորհրդարանների աշխատակազմերի միջև փոխգործակցության ընդլայնման հեռանկարների շուրջ։ Այս առումով հատկապես ընդգծվել է Խորհրդարանական կենտրոնի (Կանադա) դերը։ Անդրադարձ է եղել նաև Արևելյան Եվրոպայում և Հարավային Կովկասում անվտանգության իրավիճակին, Հայաստան-Թուրքիա և Հայաստան-Ադրբեջան հարաբերությունների կարգավորմանը։
About usyoo
Categories
Tags
