News - Հայաստանի վարչապետն ընդունել է ԵԱՀԿ Մինսկի խմբի ֆրանսիացի համանախագահին
Business Strategy
Հայաստանի վարչապետն ընդունել է ԵԱՀԿ Մինսկի խմբի ֆրանսիացի համանախագահին
Վարչապետ Նիկոլ Փաշինյանն այսօր ընդունել է Ֆրանսիայի Եվրոպայի և արտաքին գործերի նախարարության մայրցամաքային Եվրոպայի տնօրինության ղեկավար, ԵԱՀԿ Մինսկի խմբի ֆրանսիացի համանախագահ Բրիս Ռոքֆեին։ Քննարկվել են Հայաստան-Ֆրանսիա համագործակցության հետևողական զարգացման օրակարգային հարցեր։ Մասնավորապես, անդրադարձ է կատարվել տնտեսության, ենթակառուցվածքների զարգացման, հումանիտար ոլորտում համատեղ ծրագրերի իրականացման ուղղությամբ ձեռնարկվող քայլերին։ Զրուցակիցներն անդրադարձել են նաև տարածաշրջանային կարևորության, այդ թվում՝ Հայաստան-Ադրբեջան հարաբերությունների կարգավորման գործընթացին և Լեռնային Ղարաբաղից բռնի տեղահանված հայերի հումանիտար խնդիրների լուծմանն ուղղված Հայաստանի կառավարության ձեռնարկած միջոցառումներին։ Բացի այդ, նրանք մտքեր են փոխանակել Հայաստանի կառավարության կողմից մշակված «Խաղաղության խաչմերուկ» նախագծի վերաբերյալ։ Քննարկվել է նաև Հայաստան-Եվրամիություն համագործակցությունը։
About usyoo
Categories
Tags
