News - Ավարտվեց վարչապետի և Ոսկեպարի գյուղացիների հանդիպումը, այն տևեց մոտ 1 ժամ (ՖՈՏՈ)
Business Strategy
Ավարտվեց վարչապետի և Ոսկեպարի գյուղացիների հանդիպումը, այն տևեց մոտ 1 ժամ (ՖՈՏՈ)
Քիչ առաջ ավարտվեց ՀՀ վարչապետ Նիկոլ Փաշինյանի և Տավուշի մարզի Ոսկեպար գյուղի բնակիչների հանդիպումը։ Այն տեւեց մոտ մեկ ժամ։ Մինչ այս հանդիպումը, սակայն, գյուղում անվտանգության խիստ միջոցառումներ էին իրականացվում։ Սահմանափակվում էր հանդիպման մասնակիցների մուտքը դահլիճ։ «Մասնավորապես, քաղաքագետ Սուրեն Պետրոսյանին, ով արդեն մեկ ամիս է, ինչ բնակվում է Ոսկեպարում, թույլ չեն տալիս մտնել նիստերի դահլիճ, ի պատասխան ոսկեպարցիներն ասում են, որ այդ դեպքում իրենք կբոյկոտեն հանդիպումը, իրավիճակը. շարունակում է լարված մնալ»,- ֆեյսբուքյան իր էջում նշել է «Հանուն հայ պետականության» համակարգող կենտրոնը։ Ինչպես ավելի վաղ տեղեկացրել էինք, վարչապետ Նիկոլ Փաշինյանի նախորդ հանդիպումը ոսկեպարցիների հետ հարթ չի անցել։ Այդ հանդիպման թեման Տավուշի չորս գյուղերը Ադրբեջանին հանձնելն էր, ինչին ոսկեպարցիներն իրենց դեմ արտահայտվեցին։ Փաշինյանը գյուղացիներին ասել էր, որ վերոնշյալ գյուղերը պետք է հանձնվեն Ադրբեջանին, հակառակ դեպքում նորից պատերազմ կսկսվի։ Խոսքը Բաղանիս-Այրում, Աշաղի Ասքիպարա, Խեյրիմլի, Ղըզըլհաջիլի գյուղերի մասին է։ Իսկ իր վերջին ասուլիսում Նիկոլ Փաշինյանը հայտարարել էր, որ այս չորս գյուղերը Հայաստանի կազմում չեն։
About usyoo
Categories
Tags
