News - Բնակչության թվով Հնդկաստանը զբաղեցնում է աշխարհի առաջին տեղը

Հնդկաստանն իր բնակչության թվով աշխարհում առաջին տեղում է։ Ընթացիկ գնահատականներով այն կազմում է 1,44 միլիարդ մարդ: Չինաստանը երկրորդն է՝ 1,425 միլիարդ բնակչով, ասվում է ՄԱԿ-ի Բնակչության հիմնադրամի (UNFPA) զեկույցում։ ՄԱԲՀ-ն Հնդկաստանի բնակչության աճը կապում է սոցիալ-տնտեսական իրավիճակի բարելավման և երկրում մայրական մահացության մակարդակի անկման հետ։ 2011 թվականին անցկացված վերջին մարդահամարի տվյալներով՝ Հնդկաստանի բնակչությունը կազմել է 1,21 միլիարդ մարդ։ Չինաստանի բնակչությունը 2022 թվականին հասել էր 1,426 միլիարդի գագաթնակետին, ըստ ՄԱԿ-ի գնահատականների, սակայն սկսել է նվազել։ Հնդկաստանի բնակչությունը հավասարվել է մայրցամաքային Չինաստանի բնակչությանը 2023 թվականի ապրիլի վերջին և ակնկալվում է, որ այն կգերազանցի մինչև 2024 թվականի հուլիսի 1-ը: Փորձագետները կանխատեսել են, որ Չինաստանի բնակչությունը կարող է 1 միլիարդից ցածր լինել այս դարի վերջին: Այնուամենայնիվ, ակնկալվում է, որ Հնդկաստանի բնակչությունը կշարունակի աճել առաջիկա մի քանի տասնամյակների ընթացքում: