News - Քեմերոն. Իսրայելը որոշել է պատասխանել Իրանի օդային հարձակմանը

Միացյալ Թագավորության արտաքին գործերի, համագործակցության և զարգացման հարցերով պետքարտուղար Դեյվիդ Քեմերոնը Իսրայել կատարած այցի ժամանակ հայտարարել է, որ հրեական պետությունը որոշել է վրեժխնդիր լինել Իրանին շաբաթավերջին վերջինիս օդային հարձակման համար, հայտնում է Reuters-ը։ Երուսաղեմ կատարած այցի սկզբում Միացյալ Թագավորության արտգործնախարարն ասել է, որ Իսրայելն ակնհայտորեն գործելու որոշում է ընդունում։ Քեմերոնը հավելեց, որ հույս ունի, որ Իսրայելը «դա կանի այնպես, որ հնարավորինս քիչ բան անի այս իրավիճակի սրման համար»: Այժմ Վաշինգտոնը և արևմտյան կառավարությունները հուսով են, որ Իրանի նկատմամբ իրենց նոր տնտեսական պատժամիջոցները կօգնեն համոզել Իսրայելին սահմանափակել Իսլամական Հանրապետության դեմ իր պատասխան գործողությունների շրջանակը: Քեմերոնն ասել է, որ Մեծ Բրիտանիան ցանկանում է տեսնել G7-ի երկրների կողմից Իրանի դեմ համակարգված պատժամիջոցները, երբ նրանց արտաքին գործերի նախարարները հանդիպեն այս շաբաթ Իտալիայում: «Մեծ յոթնյակի կողմից նրանց պետք է հստակ միանշանակ ուղերձ տրվի»,- ասել է նա։