News - Ռուս խաղաղապահները լքում են Ղարաբաղը, հայտնում են լրատվամիջոցները

Ռուսական խաղաղապահ զորախումբը լքում է Լեռնային Ղարաբաղը և հարակից շրջանները, հայտնում են ադրբեջանական լրատվամիջոցները, փոխանցում է Sputnik-ը։ Ըստ տեղեկությունների՝ օրեր առաջ Քարվաճառի (Քելբաջարի) շրջանի հայկական Դադիվանքի վանքի տարածքը լքել է ռուսական խաղաղապահ զորախմբի առաջին անձնակազմն ու զինտեխնիկան։ Այժմ այս վանքը վերահսկվում է Ադրբեջանի ներքին գործերի նախարարության աշխատակիցների կողմից։ «Սոցիալական ցանցերում հայտնվել է նաեւ ռուսական տեխնիկայի շարասյան՝ Թարթառի եւ Բարդայի շրջաններով անցնող տեսանյութը, լրատվամիջոցները նշում են, որ դրանով սկսվել է ռուսական խաղաղապահ զորախմբի դուրսբերումը Ադրբեջանի տարածքից։ Հիշեցնենք, որ. որ ռուս խաղաղապահները տեղակայվել են Լեռնային Ղարաբաղի տարածքում՝ Ադրբեջանի, Ռուսաստանի և Հայաստանի ղեկավարների կողմից 2020 թվականի նոյեմբերի 10-ին ստորագրված եռակողմ հայտարարության համաձայն»,- գրում է Sputnik-ը։ Այս հաղորդումը, սակայն, դեռ պաշտոնապես չի հաստատվել։