News - Բարոնուհի Քոքսը նկարագրում է Ղարաբաղի ճակատագիրը Ադրբեջանում՝ ճնշումներ, ազատությունների սահմանափակում, հետապնդումներ.
Business Strategy
Բարոնուհի Քոքսը նկարագրում է Ղարաբաղի ճակատագիրը Ադրբեջանում՝ ճնշումներ, ազատությունների սահմանափակում, հետապնդումներ.
Առանց հայկական Արցախի (Լեռնային Ղարաբաղի) Հայաստանի գոյությունն էլ ավելի վտանգված կլինի, քան այսօր։ Այս մասին ուրբաթ Երեւանում կայացած մամուլի ասուլիսում ասաց Միացյալ Թագավորության (Մեծ Բրիտանիա) Լորդերի պալատի անդամ, բարոնուհի Քերոլայն Քոքսը։ Հայտնի է, որ Ադրբեջանի նախագահ Ալիևի ընտանիքի վարչակարգը մարդու իրավունքների ոտնահարման տխրահռչակ պատմություն ունի, այդ թվում՝ հենց Ադրբեջանի ժողովրդի նկատմամբ։ Նրանք լայնածավալ ճնշումներ են գործադրում մարդկանց վրա՝ զրկելով նրանց ազատությունից, անօրինական միջամտություններ են իրականացնում, այդ թվում՝ անձնական կյանքում, սահմանափակում են խոսքի ազատությունը և խաղաղ հավաքների իրավունքը, նշել է Քոքսը։ Ադրբեջանում արցախահայերը ստիպված կլինեն իրենց կամքին հակառակ հանձնել իրենց ժողովրդավարական ազատությունները ավտորիտար իշխանությանը, և նրանք պետք է հրաժարվեն իրենց հողի և իրենց ազատության նկատմամբ վերահսկողությունից, հավելել է նա։ Հայ ժողովրդի համար այս վճռորոշ պահին Քոքսը հույս է հայտնել, որ աշխարհասփյուռ հայությունը կշարունակի պայքարը հանուն Արցախի՝ որպես ազգային միասնության խորհրդանիշի։ Քոքսը նշեց, որ ինքը և շատ ուրիշներ հավատում են, որ հայերը կկարողանան քաջությամբ և տոկունությամբ հաղթահարել ներկա տառապանքները, որպեսզի բազմաչարչար հայ ժողովուրդը շարունակի խաղաղ և արժանապատիվ ապրել իր պատմական հողերում։ Բարոնուհի Քերոլայն Քոքսը, սակայն, հավելեց, որ հիասթափված է այն ամենից, ինչ Միացյալ Թագավորությունը չի անում Հայաստանին ու Արցախին սատարելու և Հայաստանի ու Արցախի ժողովրդի իրավունքները պաշտպանելու համար։ Քոքսն ասաց, որ ինքը անընդհատ խոսում է այս մասին Լորդերի պալատում և կշարունակի բարձրացնել այդ բոլոր հարցերը Միացյալ Թագավորությունում:
About usyoo
Categories
Tags
