News - The Times. Լոնդոնը և Երևանը բանակցում են Մեծ Բրիտանիայից Հայաստան անօրինական ներգաղթյալներ ուղարկելու շուրջ
Business Strategy
The Times. Լոնդոնը և Երևանը բանակցում են Մեծ Բրիտանիայից Հայաստան անօրինական ներգաղթյալներ ուղարկելու շուրջ
Միացյալ Թագավորությունը (Մեծ Բրիտանիա) սկսել է բանակցություններ վարել չորս երկրների հետ, որոնք կարող են ընդունել Մեծ Բրիտանիայից վտարված անօրինական ներգաղթյալներին։ Այս հարցի շուրջ երկխոսություն է ընթանում Հայաստանի, Բոտսվանայի, Կոտ դ'Իվուարի և Կոստա Ռիկայի հետ, գրում է The Times թերթը՝ վկայակոչելով Միացյալ Թագավորության ԱԳՆ-ի տրամադրության տակ գտնվող փաստաթղթերը։ Թերթի տվյալներով՝ հենց այս չորս երկրների հետ է Լոնդոնն ակնկալում Մեծ Բրիտանիայի և Ռուանդայի միջև նախկինում ձեռք բերված համաձայնագրի անալոգը կնքել։ Թերթը հիշեցրել է, որ Մեծ Բրիտանիան արդեն մեկուկես տարի փնտրում է երկրներ, որոնք պատրաստ կլինեն ընդունել թագավորությունից վտարված անօրինական ներգաղթյալներին։ Երկրի վարչապետ Ռիշի Սունակը հույս ուներ համապատասխան համաձայնագրերը կնքել անցած աշնանը, սակայն բանակցությունները մտել են փակուղի, քանի որ Մեծ Բրիտանիայի իշխանություններին դեռևս չի հաջողվել անօրինական ներգաղթյալներ ուղարկել Ռուանդա։ Ինչպես ընդգծում է թերթը, Լոնդոնը տեխնիկական բանակցություններ է սկսել Երեւանի հետ անցյալ տարվա սեպտեմբերին, երբ Հայաստան էր այցելել Մեծ Բրիտանիայի փոխարտգործնախարար Լեո Դոչերտին։ Հաղորդվում է, որ Հայաստանի իշխանությունները հետևում են Ռուանդայի շուրջ ստեղծված իրավիճակի զարգացումներին այն բանից հետո, երբ Մեծ Բրիտանիայի խորհրդարանը կողմ քվեարկեց նոր օրենքին։ Լոնդոնի և Կիգալիի միջև կնքված համաձայնագիրը ենթադրում է, որ Մեծ Բրիտանիայից վտարված անօրինական ներգաղթյալները կկարողանան դրա համար դիմել Ռուանդայում, ինչպես նաև ենթադրում է ներգաղթյալների արտաքսման հնարավորությունը իրենց հայրենի երկրներ, որտեղ նրանք կարող են վտանգի տակ լինել:
About usyoo
Categories
Tags
