News - Իսրայելի պաշտպանության բանակը հաստատել է Իսրայելի ուղղությամբ արձակված իրանական անօդաչու թռչող սարքերի մասին տեղեկությունը

Իսրայելի բանակի (IDF) խոսնակ կոնտր-ծովակալ Դանիել Հագարին մամուլի հայտարարության մեջ հաստատել է, որ Իրանից արձակված տասնյակ անօդաչու թռչող սարքեր ուղղվում են դեպի Իսրայել, հայտնում է Times of Israel-ը։ Նա ասել է, որ Իսրայելի ռազմաօդային ուժերը հետեւում են անօդաչուներին՝ նշելով, որ նրանց երկիր հասնելու համար կպահանջվի մի քանի ժամ։ Հագարիի խոսքով, ազդանշանները կհնչեն միայն այն դեպքում, եթե անօդաչուները համապատասխան վայրերում մտնեն Իսրայելի օդային տարածք։ Նա նշել է, որ Իսրայելի պաշտպանության բանակը կաշխատի թիրախները արագ որսալու ուղղությամբ։