News - Հայ պատգամավորն ընտրվել է Ուրուգվայի Ներկայացուցիչների պալատի փոխնախագահ

Ուրուգվայի խորհրդարանի հայ պատգամավոր Պեդրո Ջիսդոնյանն ընտրվել է երկրի Ներկայացուցիչների պալատի փոխնախագահ, հայտնում է Ուրուգվայում Հայաստանի դեսպանությունը։ Ընտրություններին նախորդած ելույթներում ուրուգվայցի օրենսդիրները մասնավորապես ընդգծել են Ջիսդոնյանի հայկական արմատները և շնորհավորել ուրուգվահայ համայնքին ընտրվելու կապակցությամբ։ Իր ուղերձում Պեդրո Ջիսդոնյանն անդրադարձել է նաև իր հայկական արմատներին և Հայաստանում տիրող իրավիճակին։ «Բազմաթիվ օրենսդիրներ նշել են իմ նախնիների ծագման մասին՝ Հայաստանի հեռավոր հայրենիքը, որը, ինչպես 20-րդ դարասկզբին, այսօր ևս դժվար ժամանակներ է ապրում, և տեղեկություններ կան Ադրբեջանի և նրա հանցակիցների կողմից բռնության և անհանդուրժողականության մասին, Ուրուգվայը օրինակ ծառայեց աշխարհին՝ առաջինը պաշտոնապես ճանաչելով Հայոց ցեղասպանությունը։ Մարդու իրավունքների պաշտպանությունը, ազատ ու խաղաղ ապրելու իրավունքը հիմնարար նշանակություն ունեն»,- ասաց Ջիսդոնյանը։