News - Հայաստանի փոխարտգործնախարար. Երուսաղեմում ստատուս քվոն փոխելու փորձ է արվում
Business Strategy
Հայաստանի փոխարտգործնախարար. Երուսաղեմում ստատուս քվոն փոխելու փորձ է արվում
Պատճառն ավելի խորն է, քան մեր հայրենակիցների անվտանգությունը. փորձ է արվում փոխել Երուսաղեմի ստատուս քվոն. Այս մասին հինգշաբթի լրագրողներին ասաց Հայաստանի փոխարտգործնախարար Վահան Կոստանյանը՝ անդրադառնալով Երուսաղեմի հայկական թաղամասում տիրող իրավիճակին։ Նրա խոսքով, Հայաստանի արտաքին գործերի նախարարությունը, շփվելով արաբական երկրների և որոշ այլ գործընկերների հետ, այդ թվում բազմակողմ հարթակներում, բարձրացնում է այդ հարցը։ «Մենք գործընթացի սկզբից տեղյակ ենք եղել իրադարձություններին, ոչ մի վայրկյան չենք անտեսել խնդիրը»,- ասաց Կոստանյանը։ Երուսաղեմի Հայոց պատրիարքարանը 99 տարով իսրայելական ընկերությանը վարձակալել էր Երուսաղեմի հայկական թաղամասում գտնվող «Կովերի այգի» անունով հայտնի այգիները, սակայն ավելի ուշ հայտարարեց գործարքը խզելու իր որոշման մասին։ Սրանից հետո իսրայելցի վերաբնակիչների և Երուսաղեմի հայ համայնքի միջև իրավիճակը սրվում է, որը պարբերաբար վերածվում է բախումների։
About usyoo
Categories
Tags
