News - Փաշինյան. Թուրքիայի հետ հարաբերություններում մենք պատրաստ ենք
Business Strategy
Փաշինյան. Թուրքիայի հետ հարաբերություններում մենք պատրաստ ենք
Թուրքիայի հետ հարաբերություններում մենք, եթե կարելի է այդպես ասել, պատրաստի վիճակում ենք։ Այս մասին չորեքշաբթի հայտարարեց վարչապետ Նիկոլ Փաշինյանը՝ ելույթ ունենալով 2023 թվականին Հայաստանի կառավարության գործունեության վերաբերյալ խորհրդարանական քննարկումների ժամանակ։ «Մենք սպասում ենք ձեռք բերված և պաշտոնապես արձանագրված պայմանավորվածությունների կատարմանը, այն է՝ Հայաստան-Թուրքիա ցամաքային սահմանի [վերաբացմանը] երրորդ երկրների քաղաքացիների և դիվանագիտական անձնագրեր ունեցողների համար»,- հավելեց Փաշինյանը։ Նրա գնահատմամբ՝ Հայաստան-Թուրքիա սահմանի վերաբացումը դարաշրջանային իրադարձություն կլինի տարածաշրջանի համար, ուստի իրենք շարունակելու են ջանքերն այդ ուղղությամբ։ ՀՀ վարչապետն անդրադարձել է նաև սոցիալ-հոգեբանական մի նրբության. «Շատ կարեւոր է արձանագրել, որ ես հիմա խոսում եմ Հայաստան-Թուրքիա, ոչ թե հայ-թուրքական հարաբերությունների մասին, այս երկու ձեւակերպումները ունեն ընդհանրություններ, բայց նույնը չեն»,- ասաց Նիկոլ Փաշինյանը։
About usyoo
Categories
Tags
