News - Հայաստանի վարչապետը Գերմանիայի կանցլերին. Պրահայի, Բրյուսելի, Գրանադայի սկզբունքները խեղաթյուրելու փորձերն անընդունելի են.

ՀՀ վարչապետ Նիկոլ Փաշինյանը երեքշաբթի հեռախոսազրույց է ունեցել Գերմանիայի կանցլեր Օլաֆ Շոլցի հետ։ Վարչապետի գրասենյակից հայտնում են, որ քննարկվել են Հայաստան-Գերմանիա համագործակցությունը, Հայաստան-Եվրամիություն հարաբերությունների հետագա զարգացումը։ Քննարկվել են նաև հայ-ադրբեջանական բանակցային գործընթացի շուրջ։ Այդ կապակցությամբ վարչապետը նշել է, որ Հայաստանը պատրաստ է լուծումների հասնել 2022 թվականի հոկտեմբերի 6-ին Պրահայում, 2023 թվականի մայիսի 14-ին և հուլիսի 15-ին Բրյուսելում, ինչպես նաև 2023 թվականի հոկտեմբերի 5-ին Գրանադայում համաձայնեցված սկզբունքների հիման վրա։ Բայց Փաշինյանը անընդունելի համարեց այդ սկզբունքները խեղաթյուրելու ցանկացած փորձ։ Բացի այդ, վարչապետ Փաշինյանը շնորհակալություն է հայտնել կանցլեր Շոլցին՝ Հայաստանում ժողովրդավարական բարեփոխումներին, ինչպես նաև Հայաստան-Գերմանիա և Հայաստան-ԵՄ հարաբերությունների զարգացմանն աջակցելու համար։