News - Փաշինյան. Խաղաղության պայմանագրի տեքստի վերաբերյալ մեր մեկնաբանությունները ողջամիտ ժամկետում կներկայացնենք Ադրբեջանին

Հայաստանը ստացել է Ադրբեջանի նոր մեկնաբանությունները Հայաստանի հետ խաղաղության պայմանագրի տեքստի վերաբերյալ։ Այս մասին հինգշաբթի կառավարության կաբինետի նիստում հայտարարեց վարչապետ Նիկոլ Փաշինյանը։ «Մենք կաշխատենք և ողջամիտ ժամկետում կներկայացնենք մեր [համապատասխան] մեկնաբանությունները [Ադրբեջանին]»,- հավելել է նա։ «Խաղաղությունը մեր տարածաշրջանում այլընտրանք չունի և միակ լուծումն է, որը երաշխավորում է մեր երկրների՝ տարածաշրջանի երկրների ինքնիշխանությունը, անկախությունը, տարածքային ամբողջականությունը և անվտանգությունը, ինչը բնականոն զարգացման և առաջընթացի անհրաժեշտ և հիմնարար պայման է։ Նաև այս առումով հրատապ է Լեռնային Ղարաբաղում [ընթացող] հումանիտար ճգնաժամի հաղթահարումը, որի ուղղությամբ մենք [այսինքն՝ Հայաստանը] կշարունակենք ձեռնարկել բոլոր հնարավոր միջոցները»։