News - Թուրքիան դուրս կգա Եվրոպայում սովորական զինված ուժերի մասին պայմանագրից

Նախագահ Ռեջեփ Թայիփ Էրդողանը հրամանագիր է ստորագրել Եվրոպայում սովորական զինված ուժերի մասին պայմանագրից (ԵՍԶՈՒ) Թուրքիայի դուրս գալու մասին։ Հրամանագիրը հրապարակվել է Թուրքիայի կառավարության պաշտոնաթերթ Resmi Gazete-ում։ Հրամանագրում նշվում է, որ որոշվել է ապրիլի 8-ից կասեցնել Թուրքիայի և ԵՍԶՈՒ պայմանագրին մասնակից այլ երկրների միջև համաձայնագրի կատարումը՝ համաձայն նախագահի հրամանագրի։ ԵՍԶՈՒ պայմանագիրը ստորագրվել է 1990թ. նոյեմբերի 19-ին Փարիզում և վավերացվել Թուրքիայի կառավարության կողմից 1992թ. հուլիսի 1-ին: Այս փաստաթուղթը սահմանափակում է 30 երկրների զինված ուժերի հինգ հիմնական կատեգորիաների սովորական սպառազինությունների և սարքավորումների քանակը: Այն նաև նախատեսում է տեղեկատվության փոխանակում և ստուգումներ։ Նշվում է, որ Թուրքիան այս որոշումը կայացրել է միջազգային լարվածության աճի պատճառով։ Թուրքական լրատվամիջոցները, հղում անելով դիվանագիտական ​​աղբյուրներին, հայտնում են, որ, ըստ Անկարայի, ԵՍԶՈՒ պայմանագիրը ներկայիս պայմաններում կորցրել է իր իմաստը, և նրա կողմից ստանձնած պարտավորություններն իրականում չեն կատարվում։ Միաժամանակ, սակայն, նշվում է, որ ԵՍԶՈՒ պայմանագրով նախատեսված պարտավորությունների կատարումը կասեցնելու որոշումը կարող է չեղարկվել։