News - Հայտնի է Բրյուսելում Փաշինյան-Բլինկեն-Ֆոն դեր Լեյեն հանդիպման ժամը

Հայաստանի վարչապետ Նիկոլ Փաշինյանի, ԱՄՆ պետքարտուղար Անտոնի Բլինկենի և Եվրահանձնաժողովի նախագահ Ուրսուլա ֆոն դեր Լեյենի նախատեսված եռակողմ հանդիպումը Բրյուսելում կմեկնարկի ուրբաթ՝ Հայաստանի ժամանակով ժամը 14:00-ին։ Այս մասին տեղեկանում ենք ԱՄՆ Պետդեպարտամենտի կայքում տեղադրված հանդիպումների ժամանակացույցից։ Հայաստանի վարչապետ Նիկոլ Փաշինյանը հինգշաբթի աշխատանքային այցով մեկնել է Բրյուսել։ Այցի շրջանակներում Փաշինյանը կհանդիպի նաև ԱՄՆ Միջազգային զարգացման գործակալության (USAID) ադմինիստրատոր Սամանթա Փաուերի հետ։ Ավելի վաղ հայտնել էինք, որ չորեքշաբթի օրը ԱՄՆ պետքարտուղար Անտոնի Բլինկենը և Ադրբեջանի նախագահ Իլհամ Ալիևը հեռախոսազրույց են ունեցել, որի ընթացքում Բլինկենն ընդգծել է, որ Բրյուսելում վերոնշյալ եռակողմ հանդիպումը ուղղված չի լինելու Ադրբեջանի դեմ։